Shpesh kryeministri Rama ka vënë në lojë kryetaren e LSI-së, Monika Kryemadhin, duke e cilësuar edhe si fallxhore. Madje edhe në kafet që ka konsumuar me qytetarët, ai ka përfshirë edhe Metën në zullumet, që sipas tij, bëjnë ndaj shqiptarëve. Por këto ngacmime, kanë ngjallur kureshtjen e moderatorit Arian Çani, i cili ka pyetur këngëtarin Devis Xherahu.
Teksa ka qenë i ftuar në emisionin “Zonë e Lirë”, këngëtari i njohur u pyet nëse është ndjerë i përdorur nga Rama, pasi përdori si kolonë zanore këngën e tij me titull “Fallxhorja”, për t’iu drejtuar Monika Kryemadhit.
Devisi u shpreh se nuk e dinte; “Thonë që reklama më e keqe, është më e mira”.
“Ke pasur ndonjë ofertë nga Rama të këndoje këngën “Fallxhorja” para selisë së LSI?”, e pyeti Çani, ndërsa Devisi u përgjigj se nuk ka patur asnjë ofertë.
