Rama i nxori foton e sikletshme, Shehi: Më ka frikë, do marr 30 mijë vota

Kreu i Lëvizjes për Zhvillim Kombëtar, Dashamir Shehi ka deklaruar se kryeministri Edi Rama i ka bërë nder, pasi falë tij, ka akoma më shumë mbështetës.

I ftuar në “ABCNews”, Shehi tha se pretendon të marrë rreth 30 mijë vota në Tiranë, pasi ka solidaritet nga qytetarët.

Dashamir Shehi:Rama kërkon të na bëjë si veten, unë nuk dua të merrem më atë. Ai duhet të japë përgjigje për disa gjëra të mëdha. Ai ka dhënë 4 miliardë më PPP, ku janë PPP  e shëndetësisë. Unë jam për të mos harxhuar kohën duke denigruar kundërshtarët. Rreth 400 milionë euro kanë përfunduar tek banda e tij. Ai duhet të na ktheje përgjigje ku janë paratë e shqiptarë. Si është situata me rendin në Shqipëri.

Ata që kanë vjedhur të dënohen, unë këtë marr përsipër ti çojmë përpara drejtësisë.  Rama ka detyrim ti përgjigjet shqiptarëve se çfarë ka bërë këto vite. 4 vitet e para e shty me akuza, 4 vitet e mandatit dytë e shty me tepsinë. Listën e kundërshtarëve, nuk i njoh dhe nuk ka çfarë të them për ta.

Unë pretendoj të marr rreth 30 mijë vota në Tiranë, kam solidaritet nga qytetarët, Rama më ka bërë nder të madh, pasi falë tij kam shumë mbështetës.  Në 2005 si LZHK kam marrë 60 mijë vota. Si individ unë marr 10 % tim.