Kryeministri Edi Rama i ka kërkuar Parlamentit që të zgjatë gjendjes e jashtëzakonshme në qarqet Tiranë, Durrës dhe Kurbin deri më 31 mars 2020. Sëbashku me kërkesën, Kuvendit i është dërguar edhe një relacion shpjegues, shkresë që mban firmën e tij dhe Sekretarit të Përgjithshëm të Kryeministrisë, Ëngjëll Agaçi
Në kërkesë cilësohet se: Lëkundjet e tërmetit ndonëse me frekuencë dhe intensitet më të ulët vazhdojnë të ndihen në qarqet e përmendura. Veprimtaria e strukturave operacionale dhe nevoja e marrjes se masave në kuadër të gjendjes së fatkeqësisë natyrore është emergjente, si në ditët e para të marrjes së masës.
Në vendimin e qeverisë më tej theksohet se: “Ne rastin e gjendjes se fatkeqësisë natyrore, shpallja e gjendjes kryhet me vendim te Këshillit te Ministrave, për një afat 30-ditor dhe zgjatja e saj kryhet po nga Këshilli i Ministrave, me pëlqimin e Kuvendit. Parashikimet ligjore kushtetuese kërkojnë qe zgjatja e afatit 30-ditor te kryhet nga Këshilli i Ministrave, duke marre “Pëlqimin” e Kuvendit ndërkohë qe ne baze te nenit 18, te ligjit nr.45/2019, “Për mbrojtjen civile”, Këshilli i Ministrave, nëpërmjet ministrit përgjegjës, informon Kuvendin për situatën e krijuar, rreziqet qe paraqiten dhe masat e marra për menaxhimin e situatës, si dhe kërkon miratimin e tij për zgjatjen e gjendjes se fatkeqësisë përtej 30 ditëve. Ndërkohë që përsa i përket situatës, ende vazhdon puna për vlerësimin e dëmeve dhe për shpërndarjen e ndihmave te ardhura nga shtete e organizata ndërkombëtare dhe donatore te brendshëm.”
