Kryeministri Edi Rama, i ka dorëzuar “Yllin e Madh të Mirënjohjes Publike”, Nuncit Apostolik, Charles John Brown. Ai ka “thumbuar” sërish presidentin Ilir Meta duke thënë se medaljet janë bërë për të gjallët dhe jo për të vdekurit, në mënyrë që të dallohen nga njëri-tjetri.
“Dëshiroj t’u jap një shenjë, kjo është gradë për mirënjohje publike. Nderimet me tituj dhe medalje janë bërë për të gjallët dhe jo për të vdekurit sepse të dallosh të vdekurit nga të gjallët është mirë për të gjithë.Titujt dhe medaljet jepen rrallë se ndryshe çkuptim ka dallimi që ata bëjnë dhe kjo medalje jepet rrallë sepse për ta merituar duhet ta kesh fituar betejën e denjë, t’u kesh shërbyer të tjerëve. Jo rastësisht kjo medalje sendërtohet me ngjyrat e heroit tonë kombëtar Skënderbeu që deri në vdekje se ndali hapin për luftën e drejtë”, shtoi Rama.
Sado larg nga ky vend i vogël ju do të vazhdoni të luteni edhe për Shqipërine me besim që sa herë të luteni ju do të kujtoheni se në Shqipëri i keni bërë vetes një vend në zemrën e të gjithë atyre që u njohën dhe mbase do të dëshironi ndonjëherë të riktheheni në atë vend”, përmbyll kryeministri.
