Kryeministri Edi Rama ka hequr Taulant Ballën nga posti i Sekretarit të Përgjithshëm të PS-së ndërsa vendin ia zë Damian Gjiknuri.
Ndonëse pati një rezultat surprizues në qarkun e Elbasanit, ku ishte deputeti më i votuar, Taulant Balla nuk do të jetë më Sekretar i Përgjithshëm i Partisë Socialiste.
Kryeministri Edi Rama njoftoi sot se vendin e tij do e zërë ish-ministri i Energjisë dhe Infrastrukturës, Damian Gjiknuri.
“Sekretarit të ri, i japim 100 ditë kohë të paraqesë planin e tij dhe pas 100 ditësh i votojmë ose jo në bazë të bindjes që do të na krijojë platforma e tyre për transformimin e PS”, tha Rama, duke u shprehur hapur se është i pakënaqur nga mënyra se si Balla e ka drejtuar strukturën e PS-së.
