Teksa ka komentuar zhvillimet për Reformën Zgjedhore, Rama u shpreh i bindur se ai do flasë i fundit, pasi procesin e kanë parë dhe ambasadorët që kanë qenë dëshmitarë. Ai i mëshoi fort faktit se zgjedhjet fitohen me votë, dhe nuk është e vërtetë që zgjedhjet fitohen me ndryshim sistemi. Në konferecën për mediat, kryeministri Rama citoi se në bazë të rekomandimeve të OSBE, gjithçka është e shkruar dhe kërkohet depolitizimi i administratës.
“Unë i kam thënë ato që kam pasur për të thënë, është shumë e thjeshtë. Ka një sugjerim të kthyer në një kërkesë dhe nga Bundestagu është kthyer në një dokument, dhe duhet votuar në Kuvend. Në bazë të rekomandimeve të OSBE, gjithçka është e shkruar dhe kërkohet depolitizimi i administratës. Dhe ne jemi të hapur për këtë gjë. Unë nuk dëshiroj të bëj komente më tej, pasi dua të flasin më para dëshmitarët, pasi shumë ndërkombëtarë kanë qenë prezent dhe e dinë se çfarë ka ndodhur. Nuk duam të bëjnë polemika, e lagu, se lagu, por produkti është aty dhe po zbatohen rekomandimet e OSBE. Ka palë që thonë se zgjedhjet fitohen me ligjin e zgjedhjeve, jo nuk është e vertetë, zgjedhjet fitohen me votë”, u shpreh Rama.
