Gjatë seancës së sotme plenare, kreu i PD-së Lulzim Basha është parë i shqetësuar. Në kohën kur kryeministri Rama ka qenë duke prezantuar pikat e platformës, Basha është parë duke komunikuar me telefon. Nuk dihet se me kë po fliste apo çfarë kishte ndodhur që Bashës iu desh ti përgjigjej telefonatës në mes të seancës.
Nga ana tjetër, Berisha ka nisur të gjitha lëvizjet e tij për të bërë referendum në PD, në mënyrë që të rrëzojë vendimin e përjashtimit të tij nga Lulzim Basha, pasi sipas tij, është cënuar sovraniteti i PD-së.
Lideri historik i Partisë Demokratike, Sali Berisha, nis sot aksionin politik kundër Lulzim Bashës.
Berisha do të takojë anëtarët e Partisë Demokratike në Tiranë, dhe do të mbledhë firmat për të kërkuar referendum për vendimin individual të Lulzim Bashës, për përjashtimin e tij nga grupi parlamentar i partisë.
