Dy kandidatët kryesorë në garën për kreun e federatës shqiptare të futbollit Armand Duka dhe Bashkim Fino janë në një përballje platformash dhe idesh në Top Channel, në emisionin “Të Paekspozuarit” të gazetarit Ylli Rakipi.
E pyetët Ramën për kandidimin dhe çfarë ju tha?
Fino: Unë nuk kam pse të marr leje për një kandidim të tillë, dhashë dorëheqje me shkrim nga sekretarë i partisë, pasi doja të kisha më shumë kohë për fushatën. Kam bërë dorëheqje publike dhe ai nuk më ka pyetur pse po jep dorëheqje. Sqarimi ishte bërë në letrën e dorëheqjes. Duka është shumë i qartë për këtë gjë pasi e ka dëgjuar që flet poshtë e lart për këto çështje.
FSHF është një institucion që monitoron sportin në vend sipas rregullave të FIFA-s dhe UEFA-s. Në status thuhet se nuk duhet të ketë diskriminim, e kjo do të thotë që nuk më pengon asgjë për të kandiduar edhe pse kam mandatin e deputetit. Në gjysma e Europës Federatat drejtohen nga njerëz të pushtetshëm që janë deputetë e me posta ë të lartë.
Duka: Nuk mund ta kundërshtoj kandidimin e Finos, por nëse do të kapesh nëpër rreshta del edhe kundër. Fino i ka mësuar këto rreshta për mëndësh sepse i ka përsëritur disa herë, por ka edhe disa gjëra që i ka gabim. Fino duhet të japë dorëheqje që të jetë i barabartë me njerëzit që do t’iu kërkojë votën dhe të mos jetë superiorë. Nuk e di por un mendoj që duhet të jepte dorëheqjen, pasi të jep përshtypjen se nuk e ka seriozisht.
Duka është shprehur se do të keni mbështetjen e politikës, por Rama e ka marrë “zvarrë” në kryeministri bashkë më Kombëtaren. Po ashtu vetë kryeministri Rama ka dizenjuar bluzën e kombëtares.
Fino: Nuk do të ketë asnjë shans që politika të ndikojë në sport, por do të jetë një bashkëpunim të afërt ashtu si e lejon UEFA.
Duka: Nuk jam dakord që ekipi i kombëtares u mor zvarrë dhe u dërgua në kryeministri, pasi Rama ishte i pari që na priti në aeroport. Ishte një harmonizim i përbashkët edhe pse u thoni që futbollistët e hoqën si torturë, kjo nuk është e vërtetë.
