Kryeministri Edi Rama vë në dispozicion të kujtdo që është i interesuar që me kapacitetet e tij akademike të kontribuojë për një të ardhme më të mirë të Shqipërisë, adresën [email protected].
Duke iu referuar disa rasteve kur njerëz të suksesshëm në profilet e tyre përkatëse, kanë shprehur interesin dhe gatishmërinë për të kontribuar me dijet e me eksperiencën e vet për Shqipërinë që duam, Rama thotë se “do të angazhohemi seriozisht në rritjen e cilësisë së kapitalit njerëzor në dispozicion të shtetit; jo vetëm në nivel qendror po edhe në nivel qarku. Për këtë do të bëhen edhe shpalljet publike në çdo qark, po do të hapet edhe një seksion i posaçëm i Platformës së Re të Bashkëqeverisjes me njerëzit e zakonshëm, SHQIPËRIA QË DUAM.”
Në postimin e bërë në FB, Rama bën thirrje që: “Kush ka një shkollim të besueshëm, jashtë a brenda vendit, një eksperiencë të suksesshme, jashtë apo në Shqipëri dhe ka brenda vetes ndjenjën e tërheqjes drejt fushëbetejës së këtij mandati të ri, për të bërë shtet me punë e mirëqenie, të mos ngurrojë ta shprehë interesin e tij tek [email protected]”
“Skuadra ime e shënimeve do të sigurojë vendosjen e kontaktit mes nesh“, informon ai.
