Kreu i grupit parlamentar të LSI-së Petrit Vasili ka reaguar pas deklaratës së kryeministrit Edi Rama se protesta e sotme e bizneseve të vogla u nxit nga politikanët pa Atdhe.
Me anë të një statusi në rrjetin social ‘Facebook’, Vasili sulmoi Ramën, ndërsa theksoi se ai e urren popullin e tij. Mes të tjerash Vasili tha se Rama është pa popull, pa atdhe, pa fe dhe mish i huaj.
Kujtojmë se biznese në Tiranë, Berat, Fier, Gjirokastër, Lezhë dhe Shkodër bizneset mbyllën dyqanet pasi janë kundër pagesës së TVSH. Dhjetëra qytetarë pohuan sot se po falimentojnë për shkak të taksave.
Reagimi i plotë i Petrit Vasilit
Kryeministër shkollepak dhe i lig qe urren popullin e tij nuk e meriton Shqipërinë për Atdhe
Kryeministri, qe krahason popullin me organet e mashkullit eshte eshte nje jabanxhi i lig ne token dhe popullin qe nuk i perket.
Kryeministri pa popull, pa atdhe, pa fe dhe antifamilje eshte mish i huaj ne Shqiperine tone te varfer por fisnike, atdhedashese,
solidare mes vetes dhe shembull i familjes se forte.
Shkollepakesia dhe ligesia sebashku pjellin vetem idiotesi kryeministrore.
