Kryetari i Bashkisë së Vaut të Dejës, Zef Hila, për të cilin u vendos nga Këshilli i Ministrave për shkarkimin e tij nga detyra, është thirrur për t’u paraqitur sot në ambientet e komisariatit të Shkodrës rreth orës 12:00.
Sipas “BalkanWeb”, kryebashkiaku Hila është pyetur mbi incidentin e ndodhur në KZAZ nr.6 në Bushat, ku mbetën të plagosur edhe tre punonjës policie.
Mësohet se Hila është shprehur se nuk ka pasur dijeni për çfarë do të ndodhte në KZAZ-në e Vaut të Dejës. “Dija vetëm që do të bëhet protestë paqësore. Nuk kam dijeni për asgjë tjetër”, ka thënë Hila.
Pas dhënies së dëshmisë ai është larguar, ndërsa nuk ka asnjë procedim apo ndalim ndaj tij.
