Kryeministri Edi Rama e nisi në sulm fjalën e tij gjatë hapjes së fushatës së Partisë Socialiste, pasi etiketoi kundërshtarin e tij politik, Lulzim Bashën si një kukull.
Rama tha se kur del në ekrane, Basha është një kukull e tundur sipas tij nga Ilir Meta, Monika Kryemadhi dhe Sali Berisha, ndërsa kur largohet është një kukull që fle.
Ndër të tjera, Rama u shpreh se mandati i tretë është i nevojshëm, pasi për PS-në do të jetë një mandat për punë.
Edi Rama: “Luli nuk është Luli. Luli është Iliri, Luli është Monika. Luli është një kukull. Kur tunden kukullat hapin sytë dhe nxjerrin atë këngën në formë ninulle. Luli është një kukull e tundur, kur zhduket nga ekrani është një kukull që fle. Janë një arsye shumë e fortë për mandatin e tretë të Partisë Socialiste. Por nga ana tjetër mandati i tretë i PS është mandat për punë”.
