Presidenti Ilir Meta, kryeministri Rama e kryetari i Kuvendit, Gramoz Ruçi, kanë zgjedhur sot të shkojnë në Vlorë. Nga ana tjetër, opozita ka qëndruar në Tiranë. Kryedemokrati Lulzim Basha, ish-kryeministri Berisha dhe ish-Presidenti Bujar Nishani kanë bërë homazhet te varrezat e Dëshmorëve në Tiranë.
Në një prononcim për mediat, Basha u shpreh se përulemi sot me nderim para sakrificave të mijëra shqiptarëve që dhanë jetën për lirinë.
“Nderim simbolit tonë kombëtar. Përkulemi me nderim para Ismail Qemalit, dhe firmëtarëve të pavarësisë. Qindra e mijërave burrave e grave që dhanë jetën për çlirimin e Shqipërisë. Përkulemi para UÇK e Adem Jasharit e mijëra shqiptarëve të tjerë.
Kjo sakrificë, ky çmim që kombi ynë ka paguar është i pandarë. Për lirinë duhet luftuar çdo ditë. Ftesë për bashkim të shqiptarëve në betejë të papërditshme derisa liria e çdo shqiptari të jetë e garantuar me ligj”, tha Basha.
