Pala greke ka mbyllur portat në pikën kufitare të Kakavijës, duke mos i qëndruar marrëveshjes së arritur një ditë më parë.
Ndonëse është pezulluar puna nga pala greke, të moshuar, fëmijë, gra dhe burra shqiptarë, vijojnë të qëndrojnë në pikën kufitare, ku shprehen të revoltuar nga ky rregull.
Ata kanë paralajmëruar se nuk do të heqin dorë dhe se do të qëndrojnë aty derisa të lejohen të kalojnë.
Një debat i ashpër ka ndodhur pak çaste më parë në Kakavijë mes drejtorit të Kufirit të Gjirokastrës, Arben Joço dhe qytetarëve që kanë ngelur të bllokuar.
DEBATI:
Arben Joço: Nga pala greke ka një limit prek 750 personash. Jemi në limitet e numrit, por nuk kemi njoftim për mbyllje.
Qytetari: Tani nuk e dimë se çfarë do bëhet. Si nuk e dini?
Qytetari: Kryeministri e ka mbaruar plazhin, apo është në plazh? A jemi ne shqiptarë apo ça jemi? Kjo që po ndodh është katastrofë humanitare. Ku është kryeministri, ministri i Jashtëm? Çfarë iu kushton që ta hapim. Ne kemi ardhur të gjithë shëndoshë këtu dhe kemi rrezik të infektohemi.
