Pas denoncimit se ishte kërcënuar, Rudina Hajdari e mori sërish fjalën ku akuzoi kryeministrin Edi Rama, se anuloi takimin me Presidentin e Maqedonisë, Pendarovski në 30 minutat e fundit.
Deputetja e opozitës së re, nga foltorja e Kuvendit tha se kryeministri i vendit, Edi Rama, e anuloi takimin me Presidentin e Maqedonisë së Veriut, Stevo Pendarovski, që ishte në Tiranë ditën e shtunë, me ftesë të homologut Ilir Meta.
Ajo tha se është e turpshme duke marrë parasysh faktin se Maqedonia është një shtet aleat, duke ecur me ne në rrugën drejt BE-së. Për të, anulimi i takimit ishte një shfaqje e shëmtuar.
“Më lejoni që të them dy fjalë para se të kaloj te zgjedhësit. Turp që Rama anuloi vizitën me Presidentin e Maqedonisë, 30 minuta para se të zhvillohej.
Është e turpshme duke marrë parasysh që Maqedonia është një shtet aleat, duke ecur me ne në rrugën drejt BE-së. Ky anulim takimi ishte një shfaqje e shëmtuar”, tha ajo.
