Kryeministri Edi Rama ka shtruar një drekë për veteranët e luftës dhe për familjarët e tyre.
Gjatë fjalës së tij, Rama e quajti Ditën e Dëshmorëve mjaft të rëndësishme, si dhe premtoi se do rriten shpërblimet për veteranët.
I pranishëm është edhe Presidenti i sapozgjedhur, Ilir Meta, i cili shprehu mirënjohje për heronjtë që dhanë jetën për liri.
Megjithatë, gjatë fjalës së tij, kryeministri nuk ka ngurruar ta “thumbojë” Metën. Teksa e thirri për të mbajtur një fjalim, Rama e cilësoi Metën si përfaqësues të Partisë Demokratike në Kuvend.
“Jam i lumtur që jam këtu me Presidentin e sapozgjedhur, i cili është presidenti jo vetëm i mazhorances, por edhe i opozitës, është përfaqësues i Partisë Demokratike”, tha Rama duke qeshur.
