“Krimi ka arritur të korruptojë dhe punonjës policie dhe shefa policie ” ishte fjalia që kryeministri Edi Rama pranoi se ndodhi në Shqipëri. Në një intervistë për “Studio e Hapur” për gazetaren Eni Vasili, Rama shprehu që lufta ndaj drogës ka vazhduar për katër vite dhe ata gjithmonë kanë ardhur duke u përmirësuar. Kryeministri pranoi se marrë vetëm përgëzime nga ndërkombëtarët por këtu flitet sa lartë e poshtë që nuk është bërë asgjë.
Rama: Krimi ka arritur të korruptojë dhe punonjës policie dhe shefa policie. Në këtë luftë kemi katër vite që e zhvillojmë dhe në vite kemi bërë planet tona. Sot Shqipëria ka dalë nga harta e vendeve problematike. Në kemi marrë vetëm përgëzime nga ndërkombëtarët por këtu flitet sa lartë e poshtë që nuk është bërë asgjë. Shqipëria Kolumbi, vetëm kanabis nuk është e vërtetë sepse rritja e eksporteve nuk u bë vetëm më kanabis.
Ekzagjerimet ekstreme dhe etiketimet ekstreme. Është tjetër gjë të ngresh një problem serioz dhe është tjetër gjë që ta bësh këtë për ti shërbyer dikujt. Nuk fitohen zgjedhjet duke u përpjekur të denigrosh Shqipërinë në vend. Sot në Shqipëri është situata më e mirë se në të gjithë kohën e tranzicionit. Në Napoli dhe Roterdam janë vrarë shumë njerëz se në Shqipëri. Ne na u desh të bëjmë një luftë me kanabisin që nuk e bëri askush para nesh.
