Protestuesit e opozitës janë duke u mbledhur përpara sheshit të Kryeministrisë duke improvizuar dhe shpalosur simbolika të ndryshme ndaj qeverisë Rama 2.
Kreu i opozitës dhe aleatët e tij opozitarë u bënë thirrje shqiptarëve të bashkohen për të kërkuar largimin e ministrit të Brendshëm, 17 ditë pas denoncimit të parë që bënë nga selia blu për dosjen e vëllait të tij, të dënuar nga drejtësia italiane me 7 vjet e dy muaj heqje lirie.
Për të shmangur incidentet e mundshme, policia ka rrethuar Kryeministrinë dhe Ministrinë e Brendshme. Policia ka krijuar një kordon duke u kapur pas njëri-tjetrit për të përballuar dhe shmangur çarjen e këtij kordoni si dhe goditjen e Kryeministrisë.
