Kryeministri Rama ka marrë pjesë në tryezën e Këshillit Koordinues të Diasporës që zhvillohet sot në Tiranë. Gjatë fjalës së tij, ai ka falënderuar diasporën shqiptare, për kontributin e dhënë gjatë 30 viteve të fundit. Gjithashtu, kreu i ekzekutivit ka siguruar të gjithë shqiptarët e diasporës që kontributi i tyre për të prekurit nga tërmeti do të shkojë në destinacion. Ai theksoi se procesi do të jetë tërësisht transparent. Në takim ka qenë i pranishëm dhe presidenti Ilir Meta. Nisur nga përplasjet aktuale, ky është një rast i rrallë që të dy bëhen bashkë nëpër tryeza.
https://www.facebook.com/edirama.al/videos/565142430986231/
“Më vjen mirë që 13 mijë banorët u sistemuan nëpër hotele dhe të tjerë në shtëpi me qira, ndërkohë pakujdesja ndaj tyre ka rezultuar e suksesshme. Sot që flasim vijon inspektimi i inxhinierëve për të ndihmuar dhe ne urojmë që brenda janarit të kemi një raport të post-katastrofës, por edhe një faturë finaciare paraprake. Fill pas saj do të filloj pjesa e rindërtimit. Në duam të dalim më të fortë nga kjo situatë dhe falë procesit të rindërtimit të krijojmë një cilësi të re në marrëdhëniet e njerëzve, por edhe marrëdhëniet e njerëzve me vetë vendin. Qysh në sekondën e parë ne patëm komfortin e mbështetjes së Diasporës, që për hir të së vërtetës në 30 vite e Shqipërisë ka qenë investitori më i madh në Shqipëri. Askush nuk ka investuar më shumë se Diaspora shqiptare. Ne jemi besimplotë që fondet, përtej vlerës së tyre të konsiderueshme financiare, kanë një vlerë të konsiderueshme morale dhe sociale, do të shkojnë aty ku janë destinuar sipas një transparence të plotë. Mekanizmi i transparencës do të jetë i besueshëm dhe i aksesueshëm nga të gjithë.”-tha ai.
