Në orët e para të mëngjesit pati një shtrëngim duarsh mes kreut të PD-së, Lulzim Basha dhe kryeministrit Rama. Më në fund, marrëveshja e shumëpritur u arrit.
Pas kësaj, kreu i PD-së u ndal në çadrën e protestës për t’u komunikuar qytetarëve marrëveshjen e arritur:
“Gjithçka ka ndryshuar dhe e pamenduara tre muaj më parë, është arritur. Marrëveshja i hap rrugë zgjedhjeve të lira e të ndershme. Nesër (sot) nisim përgatitjet për t’i dhënë shqiptarëve zgjedhje të lira. Ju falënderoj për qëndresën tuaj”, tha kreu i PD-së.
Basha u tha protestuesve se çadra do të vazhdojë akoma të qëndrojë e hapur, deri në detajimin e marrëveshjes së sapo arritur.
“Çadra nuk do të mbyllet. Në fillim të detajojmë marrëveshjen dhe pastaj të japim lajmin e mirë”, tha Basha.
