Tashmë është bërë e udhës që çdo mëngjes, kryeministri Rama të publikojë shprehje nga shkrimtarë të mëdhenj ose Fjalë të Shenjta nga Kurani ose Bibla, duke i lidhur këto shprehje me situatën kritike që po kalon vendi.
Sot ai ka postuar një shprehje të shkrimtarit të madh brazilian Paulo Coelho, një ndër autorëve më të lexuar në të gjithë botën.
“Durimi nuk ka të bëjë me pritjen, por me sjelljen tonë kur gjërat vonojnë më shumë nga ç’presim”, thotë shprehja e Coelho-s.
Çdo ditë e me shumë po shtohen thirrjet e shpeshta të kryeministrit, për të kufizuar lëvizjet, në mënyrë që të parandalohet përhapja e koronavirusit.
Po kështu nuk mungojnë edhe masat shtrënguese, duke vendosur gjoba për ata që nuk i respektojnë.
