Kryeministri Edi Rama ka zbuluar se nesër do të bëhet prezantimi i pakesës kundër mafias, i njohur ndryshe si AntiKÇK.
Rama shkruan se ky bashkëpunim do të bëhet me partnerët e huaj.
Me anë të një statusi në Facebook, kryeministri Rama njofton se falë ndihmës së ekspertëve të huaj, ky mekanizëm do shkatërrojë themelin e foleve të krimit.
Statusi
“Nesër prezantojmë Paketën Speciale AntiKÇK. Një mekanizëm i ri me fuqi speciale kundër krimit e korrupsionit. Falë ndihmës së ekspertëve të huaj të klasit të parë në luftën kundër terrorizmit, mafias dhe krimit të organizuar, ky mekanizëm do shkatërrojë themelin e foleve të krimit.
Sot kur partnerët strategjikë të Shqipërisë dhe ambasadat e tyre janë vënë në shënjestrën e politikës mjerane të të çmendurve nga frika e drejtësisë, Paketa Speciale AntiKÇK do të provojë përsëri, se sa të paçmueshëm janë këta partnerë në luftën e Shqipërisë për progres dhe drejtësi
Pa mbështetjen e SHBA/BE dhe ndihmën e përfaqësuesve të tyre në Shqipëri,s’do kishte nisur dot kurrë pastrimi i llumit të madh të (pa)drejtësisë e s’do të ishte hapur dot kurrë perspektiva e barazisë së vërtetë para ligjit! Edhe Paketa Speciale AntiKÇK s’do të bëhej dot pa ndihmën e tyre”, përfundon Rama.
