Kryeministri Edi Rama ka reaguar sërish lidhur me incidentet e ndodhura së fundmi për zgjedhjet e 30 qershorit.
Ai u është drejtuar kryebashkiakëve të djathtë, që të lexojnë mirë Kodin Penal dhe të heqin dorë pa rënë në dorën e drejtësisë.
Në një reagim në Twitter, Rama shkruan se fajin e kanë ata që i udhëheqin, duke iu referuar Bashës, Berishës, Kryemadhit dhe Metës.
“Çdo kryebashkiak që merret me brava shkollash të caktuara si qendra votimi, në përpjekjen harbute dhe qesharake, për të penguar zgjedhjet me dyer të mbyllura me çelësa marrëzie, bën mirë të lexojë Kodin Penal për krimet zgjedhore e të heqë dorë sa pa rënë në dorën e drejtësisë.
Askush tjetër përveç katër të marrëve që i udhëheqin, s’u ka faj kryebashkiakëve të opozitës për largimin nga gara zgjedhore, ndaj ata le të merren me hapjen e dyerve të partive përkatëse, jo të marrin në qafë veten e punonjësit e tyre, duke u kthyer në të pandehur për dyert e QV“, shkruan Rama në Twitter.
Çdo kryebashkiak që merret me brava shkollash të caktuara si qendra votimi, në përpjekjen harbute dhe qesharake, për të penguar zgjedhjet me dyer të mbyllura me çelësa marrëzie, bën mirë të lexojë Kodin Penal për krimet zgjedhore e të heqë dorë sa pa rënë në dorën e drejtësisë?
— Edi Rama (@ediramaal) June 28, 2019
