Teksa kryedemokrati Lulzim Basha i kërkon kryeministrit Edi Rama të hapë spitalin Covid 4 për të prekurit me Covid-19, ky i fundit e akuzon për dosjen e Shtëpisë së Verdhë.
Sipas Ramës, Basha ka qenë me një mjek peruan në momentin që është bërë kjo dosje.
Rama i kërkon mendim Bashës për votën e PD-LSI pro raportit të Dick Marty.
”Lulëzim! Mos u fshih pas Covidit dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë!E thuaje cfarë mendon për votën e PD-LSI pro raportit të Dick Marty!’’, shkruan Rama në rrjetin social, Twitter.
Lulëzim! Mos u fshih pas Covidit dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë!E thuaje cfarë mendon për votën e PD-LSI pro raportit të Dick Marty!
— Edi Rama (@ediramaal) November 8, 2020
“Shtëpia e Verdhë” është banesë në një fshat afër Burrelit, ku pretendohet se janë kryer transplante organesh organe të robërve serbë, për qëllime tregtie pas luftës në Kosovë.
