Pak orë pasi humbi zgjedhjet presidenciale në SHBA, Donald Trump është shfaqur duke bërë foto me një çift të sapomartuarish në Klubin e Golfit, në Virginia.
Sapo zbriti nga makina e golfit në klubin e Sterling, Trump u rrethua nga një grup dasmorësh që po bënin fotot e ceremonisë.
Një prej mbështetësve të tij ishte dhe nusja e re, e cila i kërkoi kreut aktual të Shtëpisë së Bardhë një foto për të shenjuar këtë moment të rëndësishëm për jetën e saj.
Pavarësisht presionit që kishte, Trump ndaloi për të folur dy fjalë me nusen e re dhe më pas doli foto me të dhe shoqërueset e saj.
Kandidati demorkat, Joe Biden u zgjodh president i SHBA-ve pasi fitoi 290 vota elektorale, por Donald Trump nuk e pranon rezultatin dhe ka hedhur akuza për manipulim të votave.
Së fundmi, Ekipi i tij kishte ngriti padi në Arizona, në të cilën pretendon se qarku më i populluar i këtij shteti jugperëndimor skualifikoi në mënyrë të gabuar një numër votash të hedhura ditën e zgjedhjeve nga disa votues.
