Falë një ligji të ri si masë kundër përhapjes së COVID-19, një qytet në Kinë ka ndaluar banorët e tij të hanë mish qeni dhe maceje.
Legjislacioni në fjalë është miratuar dje nga ligjvënësit në Shenzhen, një qytet me rreth 13 milion banorë, dhe do të hyjë në fuqi më 1 maj. Lajmi në fjalë është përcjellë nga një njoftim i qeverisë.
Festivali vjetor i mishit të qenit është një nga festivalet më të njohur të ushqimit në Kinë, dhe sheh mijëra qen të vrarë para se të hahen nga vendasit.
Përveç qenve dhe maceve, ligji ndalon mishin e gjarprit, bretkosës dhe breshkës. Ky ligj është përshëndetur nga aktivistët e kafshëve, teksa kërkonin që qeveria kineze të ndalonte konsumimin e kafshëve shtëpiake.
Vlen të theksohet fakti se në Kinë shitet mishi i lloj-lloj kafshe, por ajo që habit më shumë është shitja e mishit të qenit dhe të maces, që kinezët i konsumojnë pa problem.
