Çdo grupmoshë është solidarizuar me protestën e studentëve. Më heët, ishin të moshuarit të cilët u futën mes turmës dhe mbanin pankara në duar, për të drejtat e studentëve. Studentët të cilët prej orësh u endën rrugëve, për tu bërë bashkë tek Ministria e Arsimit, nuk treguan shenja lodhje.
Por pavarësisht durimit dhe sakrificës duke qëndruar për orë të tëra në protestë, shumë persona kanë menduar për ta, duke u ofruar ushqim falas.
Protesta e studentëve ka hyrë në ditën e 7 të saj, ku mijëra të rinjtë janë mbledhur para ministrisë së Arsimit.
Pas një qytetari që shpërndante portokalle, disa të tjerë kanë shpërndarë hamburger për studentët që protestojnë para Ministrisë së Arsimit që prej orës 10:00 të mëngjesit të sotëm.
