Nga data 6 korrik, qytetarët e 29 vendeve që shkojnë në Zvicër, do të duhet të lajmërohen tek autoritetet dhe të vetëizolohen, si masë për parandalimin e përhapjes së koronavirusit.
Lista e vendeve me rrezik të lartë infeksioni përfshin edhe Kosovën.
Një njoftimin e Qeverisë zvicerane, të publikuar të enjten, thuhet se “vizitorët që kanë kaluar kohë në vendet e emëruara gjatë 14 ditëve të mëparshme, duhet t’i njoftojnë autoritetet zvicerane menjëherë pas mbërritjes dhe më pas të futen në karantinë për 10 ditë”.
Zvicra ka konfirmuar afro 32,000 raste me koronavirus dhe 1,686 viktima, shkruan “Rel”.
