Për të gjithë qytetarët të cilët kanë ende shumë pikëpyetje nëse mund të votojnë me kartat e identitetit të cilat kanë skaduar këtë vit, vlen të theksohet se do të jenë të vlefshme deri në fund të dhjetorit të këtij viti.
Pra të gjithë qytetarët në Republikën e Shqipërisë, të cilëve i ka skaduar karta e identitetit, do të kenë mundësi të votojnë ditën e sotme pasi mjeti i tyre i identifikimit do vijojë të jetë i vlefshëm deri në fund të këtij viti.
Për të ulur fluksin e qytetarëve të cilët aplikojnë për letërnjoftime elektronike, në janar të këtij viti u vendos zgjatja e afatit të vlefshmërisë për të gjitha kartat që skadojnë në 2019. Afati i tyre do të zgjatet deri më 31 dhjetor 2019.
