“Mbi 1700 telefonata janë bërë në urgjencë që pas tërmetit të orës 3:54”. Kështu ka deklaruar Skëndër Brataj, Drejtor i Qendrës Kombëtar të Urgjencës Mjekësore. Ai thotë se pas tërmetit të fortë ka pasur një gjendje kaosi dhe se po punohet që të menaxhohet e gjithë situata emergjente në aspektin mjeksor.
“Në momentin që shpëtohen nuk ia dalin dot kur shkojnë në spital, për shkak se mund të pësojnë arrest kardiak. Problemi qëndron te koha e gjatë që kanë qëndruar në rrënoja duke dëmtuar organet dhe si pasojë shkaktohen shtypje të indeve dhe shkojnë drejt vdekjes, tha Brataj.
“Dilni se po këputet pallati”/ Balerina po mbyllte turnin, u gjet nën gërmadha
Sipas tij deri tani janë realizuar 391 ndërhyrje dhe se mjekët janë gjithë kohës në dispozicion.
“Situata ka qënë shumë e vështirë, pasi ka ndodhur edhe shembje pasi kemi qenë në terren. Tek urgjenca vazhdojnë thirrjet për shkak se numri i personave të trembur është shumë i madh. Njerëzit kanë shprehur një solidaritet të jashtëzakonshëm, gjatë organizimit të emergjencës kombëtare, me flotën rezervë që kishim aktivizuam mënjëherë 9 ekipe, çdo sipital kishte në dispozicion dy- tre ekipe që na lejon të përballojmë çdo lloj emergjence”, tha ai.
