Kryeministri Edi Rama deri tani ka arritur të zhvillojë 4 mbledhje të përbashkëta me qeverinë e Kosovës ku janë nënshkruar një sërë marrëveshjesh të rëndësishme. Ndërkohë që brenda këtij viti pritet të realizohet mbledhje e përbashkët e qeverisë së Shqipërisë dhe Maqedonisë. Në Pogradec më 15 dhjetor do të mbahet një seancë e përbashkët e dy qeverive.
Përfaqësuesit e qeverive të dy shteteve, “kanë dakorduar datën dhe vendin për seancën e përbashkët të qeverive,” thuhet në njoftimin e qeverisë së Maqedonisë.
Në takimin e përbashkët janë bërë përgatitje për shqyrtimin e shumë temave, ndërsa në fokus do të jetë avancimi i bashkëpunimit të ndërsjellë në shumë sfera.
Qeveria e kryeministrit Zaev më 23 nëntor në Strumicë mbajti seancë të përbashkët me qeverinë bullgare.
