Pak çaste më parë është arritur një marrëveshje mes Shqipërisë dhe Greqisë që deri në orën 22:00 të mbrëmjes së sotme, të lejohen qytetarët që janë duke pritur në radhë pa u kërkuar testin për COVID-19.
Nga nesër, testi është i detryueshëm për të gjithë ata që do të kalojnë kufirin.
Për sot nuk do të futet në fuqi kuota ditore prej 750 personash, por duke filluar nga nesër nuk do të lejohet të kapërcehet ky numër.
Ministrja Olta Xhaçka ka njoftuar se kjo masë kufizuese do të vihet në zbatim nga nesër.
Xhaçka shprehet se sot në dy pikat kufitare të Kakavijës dhe Kapshticës do të punohet deri në orën 22:00. Ndërkohë që nga nesër doganat do të qëndrojnë hapur deri në plotësimin e kuotës prej 1050 personash (750 në Kakavijë dhe 300 në Kapshticë).
