Gazetari i gazetës gjermane “Bild”, Peter Tiede, përmes një statusi në “Facebook” ka reaguar lidhur me deklaratat për arrestimin e kreut demokrat, Lulzim Basha.
Tiede shkruan se i konsideron këto deklarata si devijime për të larguar vëmendjen nga përgjimet e publikuara, për manipulimin e zgjedhjeve parlamentare të viti 2017.
“Sapo dëgjoj se qeveria në Shqipëri po konsideron arrestimin e kreut të opozitës për të hequr vëmendjen nga përgjimet rreth manipulimit të zgjedhjeve në 2017, i cili do të publikohet më vonë. Pyetja është: A kërkon qeveria të arrestojë çdo ditë kundërshtarët për të larguar vëmendjen nga përgjimet? Ne nuk do të nxitohemi: po i verifikojmë me kujdes materialet për të publikuar vetëm fakte të sakta. Siç thashë: sot pasdite vonë”, tha Peter Tiede.
