Me një vendim të miratuar sot qeveria ka shfuqizuar një vendim të mëhershëm për ngritjen e varrezave private në njësinë administrative “Paskuqan”, Tiranë.
Raportohet se ky vendim është në vazhdën e zhbërjes nga ministrja Belinda Balluku të shumë vendimeve të marra nga paraardhësi i saj Damian Gjiknuri.
Ministrja Balluku menjëherë sapo mori drejtimin e ministrisë së Infrastrukturës dhe Energjetikës, vendimi i parë që mori ishte shfuqizimi i lejeve për ndërtimin e HEC-eve në të gjithë territorin e Shqipërisë.
V E N D I M: PËR SHFUQIZIMIN E VENDIMIT NR.452, DATË 27.5.2015, TË KËSHILLIT TË MINISTRAVE, “PËR NGRITJEN E VARREZAVE PRIVATE NË NJËSINË ADMINISTRATIVE “PASKUQAN”, QARKU TIRANË”
Në mbështetje të nenit 100 të Kushtetutës dhe të nenit 113, të ligjit nr.44/2015, “Kodi i Procedurave Administrative të Republikës së Shqipërisë”, me propozimin e ministrit të Infrastrukturës dhe Energjisë, Këshilli i Ministrave
V E N D O S I:
1. Shfuqizimin e vendimit nr.452, datë 27.5.2015, të Këshillit të Ministrave, “Për ngritjen e varrezave private në njësinë administrative “Paskuqan”, Qarku Tiranë”.
2. Ngarkohen Ministria e Infrastrukturës dhe Energjisë, Agjencia Kombëtare e Planifikimit të Territorit dhe Agjencia Shtetërore e Kadastrës, Drejtoria Vendore Tiranë, për zbatimin e këtij vendimi.
Ky vendim hyn në fuqi menjëherë dhe botohet ne “Fletoren zyrtare”.
K R Y E M I N I S T R I
EDI RAMA”. /tch
