Kreu i Partisë Demokratike, Lulzim Basha është shprehur se në Britani parlamentarët rrinë në këmbë, kurse në Shqipëri karrigia e pushtetarit vlen 15 mijë euro.
Sipas Bashës, paratë që duhet të investoheshin për auditorët në fakultete, janë bërë “rrush e kumbulla” nga qeveria.
“Tek ne, fakultetet japin akoma mësim për kompjuterët me shkumës e me dërrasë të zezë, sepse paratë që duhet të shkojnë për të investuar në auditorë, në laboratorë, në teknologjinë e informacionit dhe në dixhitalizim, i bën rrush e kumbulla qeveria. I bën mermer për zyrën e ministrit dhe e blen kolltukun 15 mijë euro.
A i keni parë se ku ulën deputetët në Britani, apo jo? Shkova dhe i pashë sot! Çdo gjashtë muaj kishin për t’i ndërruar kolltuqet te ne, atje as nuk ka vend të mjaftueshëm që të ulën të gjithë deputetët. Disa rrinë në këmbë. Ashtu duhet të rrinë deputetët, qeveria duhet të rrijë në këmbë para popullit, jo t’i marrë paratë e popullit e t’i bëjë rrush e kumbulla”, deklaroi Basha.
