I dërguari i posaçëm i SHBA për dialogun Kosovë-Serbi, Richard Grenell ka uruar qeverinë e re, me në krye Avdullah Hotin nga LDK.
Në një komunikatë nisur për mediat nga zyra e Grenell, thonë se i dërguari amerikan në dialog mezi pret rifillimin e bisedimeve me Serbinë.
“E mirëpres Qeverinë e re të Kosovës dhe mezi pres që të rifillojë partneriteti me ta në dialogun me Serbinë”, thuhet në deklaratën e Grenell.
Qeveria Hoti u votua gjatë ditës së sotme me 61 vota pro, 24 kundër dhe 1 abstenim.
