Dy qëveritë, ajo e Kosovës dhe e Maqedonisë do të mbajnë mbledhje të përbashkët, në të cilën do të ndërmarrin veprime konkrete për lehtësimin e kalimit të kufirit ndërmjet dy shteteve respektive. Gjithashtu, do të synojnë projekte tëpërbashkëta në kuadër të procesit të Berlinit si dhe do të shikojnë mundësinë e krijimit të pikave të përbashkëta doganore.
Këto ishin disa nga temat e takimit, të cilat u diskutuan në takimin në mes Zëvendëskryeministrit njëherit ministër i jashtëm Behgjet Pacolli, me zëvendësryeministrin e Maqedonisë për Çështje Evropiane, Bujar Osmani
Shkëmbimi i përvojave në kuadër të procesit të integrimeve euro-atlantike ishte një çështje tjetër, për të cilën të dyja palët kanë theksuar si të rëndësishme.
Në ndërkohë, sa i përket vazhdimit të mbështetjes së Maqedonisë përkitazi me anëtarësimin e Kosovës në organizata ndërkombëtare, pritet që Maqedonia t’i përmbahet dhe të veprojë në linjë me vendimin e saj për njohjen e Kosovës, transmeton Klan Kosova.
