Për autoritetet policore ishte e frikshme sesi një shqiptar udhëtonte drejt SHBA-së, duke marrë edhe mishin me vete. Kjo duket tipike për ne shqiptarët, që kur udhëtojmë të marrim me vete edhe mishin e sapo therrur. Ky rast ka ndodhur në datën 19 dhjetor, në aeroportin e Filadelfias në SHBA. Dy shqiptarë që udhëtonin drejt SHBA-së, kishin futur në valixhe një qingj të plotë, plëndës, kremviçe, gështenja dhe presh.
Zbulimi u bë përmes një qeni detektor dhe kontrolli gjeti brenda valixheve 14 kg produkte ushqimore të ndaluara.
Në mes të gështenjave, specialistët thanë se gjetën edhe dy insekte të gjalla. Autoritetet i sekuestruan ushqimet, dhe i lanë udhëtarët që të vazhdojnë vizitën e tyre.
