Një 62-vjeçar, i cili ishte shpallur në kërkim prej 10 muajsh, ka rënë në prangat e policisë, pasi tentoi të vrasë me sëpatë kunatën e tij. Bëhet fjalë për Medi Kolecin, ku u arrestua ditën e sotme në rrugën “Jordan Misja” në Tiranë.
Koleci, në bashkëpunim me djemtë e tij, goditi me sëpatë kunatën, Qefsere Koleci, duke i shkaktuar kësaj të fundit dëmtime serioze për jetën.
Kujtojmë se Qefsere Koleci akuzonte asokohe se kunati i saj kishte zaptuar një rrugë shtetërore tek e cila ajo dhe familja e saj kalonin prej 23 vitesh për të shkuar në tokën e tyre.
Djali i saj Eltoni tha se Bashkia e Durrësit ju dha atyre të drejtë dhe IKMT-ja ndërhyri për të hapur rrugën, por ky veprim inatosi xhaxhanë e familjarët e tij.
Ai tentoi që të bllokojë sërish rrugën pas ndërhyrjes se IKMT, por policia e shoqëroi disa orë, ndërsa sapo e liroi, ai së bashku me djemtë në shenjë hakmarrje dhunuan Qefsere Kolecin.
