Të tjera detaje kanë dalë në lidhje me ngjarje e ndodhur mbrëmjen e djeshme në një lokal në Lezhë, ku mbeti i plagosur një 35 –vjeçar.
Policia njofton se është identifikuar dhe shpallur në kërkim shtetasi me iniciale P.K., i cili gjatë një konflikti për motive të dobëta ka plagosur me armë zjarri R.K.
Nga tërësia e veprimeve hetimore rezultoi se autori i plagosjes ka qenë i dënuar me parë për veprat penale “Heqja e paligjshme e lirisë” dhe “Mbajtja pa leje e armëve dhe municioneve luftarake”.
I plagosuri po qëndronte në një lokal në lagjen “Gurra”, kur vetëm pak minuta pasi ishte ulur, P.K. i është afruar dhe e ka qëlluar në drejtim të këmbëve.
