Pjerin Brushtulli, 48-vjeç, mbeti i plagosur me armë zjarri mbrëmjen e djeshme në Velipojë. Ai ka marrë një plumb në bark dhe u dërgua me urgjencë drejt spitalit të Shkodrës. Policia bën me dije se ngjarja ka ndodhur rreth orës 22:00, në afërsi të një resorti. Pjerin Brushtulli, ka qenë i dënuar më parë me 15 vite burg për shkak se në vitin 2002 ka vrarë bashkëfshtarin e tij Kolec Nushi.
Njoftimi i policisë
Rreth orës 22:00, në Velipojë, në afersi të një resorti, në rrethana ende të paqarta është plagosur me armë zjarri, shtetasi P. B. 48 vjeç, banues në Shkodër, i cili po transportohet për në Spitalin Rajonal Shkodër për ndihmë mjekesore.
Në vendngjarje kanë shkuar forca të shumta policie dhe grupe të FNSH Shkodër, është rrethuar zona dhe vijon krehja e saj me qëllim kapjen e autorit/eve.
Grupi hetimor nën drejtimin e Prokurorisë po vijon punën për zbardhjen dhe sqarimin e plotë të rrethava të ngjarjes, me qëllim identifikimin e autorit/ëve.
