Informacionet e siguruara nga CIA, iu kanë ardhur në ndihmë shërbimeve të sigurisë ruse në një sulm që po përgatitej ndaj katedrales “Kazan” të Shën Petërsburg, ka njoftuar Kremlini zyrtar. Sulmi mendohet se ishte planifikuar ditën e shtunë, informacion ky që konfirmohet nga zyrtarët e shtetit rus.
Presidenti i Rusisë ka telefonuar homologun amerikan, Donald Trump, duke i shprehur falënderimet për veprimin e CIA-s në parandalimin e sulmit ndaJ katedrales në Shën Petërsburg.
Mësohet se Putin i ka thënë Trump se shërbimet speciale të Rusisë do të dorëzonin informacion mbi kërcënimet terroriste për homologët e tyre amerikanë. Shërbimi i sigurisë i FSB-së i Rusisë tha në një deklaratë të premten se kishte ndaluar shtatë anëtarë të një celulë të mbështetësve të Shtetit Islamik dhe kapi një sasi të konsiderueshme të eksplozivëve, armëve dhe literaturës ekstremiste.
“Celula kriminale ka planifikuar të kryejë një sulm vetëvrasës në një institucion fetar dhe të vrasë qytetarët të shtunën”-thonë zyrtarët rusë. Grupi po përgatiste shpërthime që synonin katedralen dhe vende të tjera publike në qytetin e dytë të Rusisë, tha deklarata e Kremlinit.
Putin i ka kërkuar presidentit të Shteteve të Bashkuara të përcillte falënderimet e tij për drejtorin e CIA-s dhe për operativët e përfshirë në këtë veprim solidarë.
“Sekretarja e shtypit e Shtëpisë së Bardhë Sarah Sanders konfirmoi se zoti Trump dhe homologu i tij rus kishin folur të dielën. Por, nga kjo telefonatë priten të dalin fakte të tjera në lidhje se cfarë është thënë nga dy liderët”–shkruan BBC.
Një shpërthim në sistemin e metrosë së Shën Petërsburg në muajin prill, u vrau të paktën 13 njerëz, ndërsa mendohet se sulmi vdekjeprurës ka prapavijë xhihadiste. “Militantët që kthehen nga Siria përbëjnë një kërcënim të vërtetë për Rusinë”,ka thënë kreu i kreu i FSB-së ruse. Shërbimet e sigurisë kanë parandaluar 18 sulme terroriste në vitin 2017, tha Alexander Bortnikov në komentet e raportuara nga agjencia e lajmeve Itar-Tass. TIRANA TODAY
