Presidenti i Rusisë Vladimir Putin ka pritur të mërkurën në një drekë në Kremlin, kampionin e UFC-së, Khabib Nurmagomedov. Ky i fundit arriti të fitojë duelin më të madh në historinë e këtij sporti, ndaj Conor McGregor. Por në fund tregoi edhe natyrën agresive duke krijuar një përleshje masive për shkak të provokimeve dhe ofendimeve që kishte marrë nga ekipi i irlandezit.
Në takim mori pjesë edhe babai i Khabib, Putin përgëzoi sportistin nga Dagestani me fjalë të mira: “Ishte fitore bindëse dhe shumë e bukur”.
Duke folur për pjesën e shëmtuar post-ndeshjes, kur Nurmagomedov kërceu nga kafazi duke goditur një pjesëtar të skuadrës së McGregor, Putin tha: “Çdokush mund ta bënte atë që bëre ti, të gjithë ne rusët në aty mënyrë do të reagonim. Nëse na provokojnë, apo na sulmojnë nga jashtë ashtu do të hidheshim të gjithë. Kush na provokon do duhet të provojë ferrin”.
