Nga: Mentor Kikia
Pushteti i tretë është duke diskutuar një çështje shumë të rëndësishme, siç është fati i Presidentit të Republikës. Gjykatësit janë në një sallë të madhe e komode.
Pushteti i katërt, i cili do të informojë publikun për çfarë do të vendosë pushteti i tretë, është futur në një kthinë. Eshtë një lloj “biruce”, që quhet dhoma e medias. Nga këtu gazetarët do të ndjekin live punimet e seancës, pasi ata nuk lejohen në sallë.
Në fund të legjislaturës së kaluar në Kuvend, u vendosë që mediat të mos pranohen fare ne mbledhjet e komisioneve parlamentare, sepse nuk kishte vend.
Pra, media është një opsion, nëse ka vend e pranojmë, nëse jo, jashtë! Ose e lëmë aty në një zgëq.
Të tre pushtetet e para, janë thuajse të vdekur pa të katërtin. Parlamenti, qeveria pushojnë se ekzistuari nëse nuk shfaqen ne ekranet e televizoneve. Por kur vjen puna tek respektimi i njëri-tjetrit, ja se si sillen.
Ky është tregues i standardit të shtetit. Shumica e këtyre gazetarëve kanë ndjekur konferenca jashtë vendit, dhe kanë parë se pas sallës së mbledhjeve, salla e dytë më e rëndësishme është salla e shtypit.
