Kryeministri Rama ka shtruar Iftar për besimtarët myslimanë, për nder të “Natës së Kadrit”, ku të pranishëm ishin krerët e besimeve fetare në vend, politikanë dhe diplomatë të huaj. Shefi i qeverisë, duke i uruar agjërim të mbarë e të pranuar për besimtarët, nuk nguroi që edhe të përcjellë mesazhe të qarta për politikën, duke kërkuar që të arsyetojnë. Rama i ka lëshuar sërish mesazhe kundërshtarit politik, Lulzim Basha, që të dëgjojë zërin e arsyes, pasi sipas tij, pushtetet ndërrohen.
“Të dashur miq, ju uroj mirëseardhjen në këtë sofër tradicionale Iftari, ku buka që ndajmë së bashku është dëshmia më domethënëse se si zemra i flet zemrës.
Dëshiroj t’i uroj një mirëseardhje të veçantë Basri Tanushin, Osman Basha dhe Rakip Cuku, baballarë dhe vëllezër të dëshmorëve të atdheut. I përjetshëm dhe i paharrueshëm qoftë kujtimi i dëshmorëve të atdheut. Në sofrën e Iftarit ka vend për të gjithë, edhe për hipokritët, për të cilët i shenjti Kuran dëshmon se janë gënjeshtar.
Për të përligjur forcën, hipokritët përpiqen t’i afrohen forcës që mbarë shembulli që ta shpërdorojnë. Megjithatë më të fortë se sa shembulli i pararendësve nuk ka dhe tu përngjash atyre është virtyt.
Jemi sidoqoftë të rrethuar nga mure që rrezatojnë histori pushtetesh, dhe që na mësojnë nëse kemi veshë të dëgjojmë që pushtet ndërrohen, por shtegu i arsyes mbetet.
Dhe kush prej tij devijon, humb pushtetin mbi vetveten. Qoftë edhe kjo banesë meditimi sot e kthyer në e tillë, për shkak të sofrës së Iftarit, një shëmbëlltyrë për përulësi për paqe dhe dashtë Zoti, rrezatoftë edhe më gjerë.
Po në fund fare, siç thotë fjala në Kuran: Këtë banesë të mrame ua japim atyre që nuk duan të jenë kryeneç, dhe të marrin njerëzit në qafë dhe gjithçka në fund iu përket atyre që iu ka përkitur gjithmonë. Janë ata që i frigohen Zotit. Ju qoftë i lehtë dhe i pranuar agjërimi besimtarëve”, tha Rama.
