Ish-kryeministri Berisha ka ngacmuar sërish Ramën, pas protestës masive që ndodhi dje, me një bilanc të rëndë. Ai ka shfrytëzuar momentin kur Rama vizitonte efektivët në spital, ku dy prej tyre ndodheshin në gjendje më të rëndë, teksa e ka ironizuar.
Me anë të një statusi në rrjetin social Facebook, ai është talluar me mimikën e kryeministrit.
“Shshsheeeeet, pushoni se po fluturojnë këpucë dhe vezë!
Ja se si mosbindja civile e 8-7 qytetarëve bindi me një këpucë dhe disa vezë të prishura, rrahagjoksin e parlamentit, Skënderbuçin e Spiropalit! Sb”, shkruan Berisha, bashkëngjitur fotos në fjalë.
Dje, pas Ministrit të Brendshëm, Sandër Lleshaj, në spital shkoi edhe kryeministri Rama. Ai është pritur me protesta nga familjarët e protestuesve të zonës së ‘Astirit’. Banorët kundërshtojnë vendimin e qeverisë, për prishjen e banesave që preken nga projekti i ‘Unazës së Re’.
