Cristiano Ronaldo dihet tashmë, adhuron luksin dhe nuk ka asnjë problem të reklamojë stilin e tij të jetës, të një niveli të lartë. Sikurse raporton portali “TMZ”, disa ditë më parë u zbulua kosto e vilës ku është akomoduar CR7 në Greqi, plot 56 mijë euro për dy net.
Por ylli portugez kur është me pushime nuk është një klient i zakonshëm. Këtë e dinë shumë mirë në Kalamata të Greqisë, në resortin “Costa Navarino”, ku kalon pushimet ylli portugez.
Është i njëjti resort ku Ronaldo kaloi pushimet dhe vitin e shkuar, vend që e vizitoi dhe Andrea Agneli, për ta bindur të firmosë për Juventusin.
Pishinë, palestër, dhomë masazhi, fushë golfi dhe plazh privat, janë disa nga shërbimet e personalizuara që merr Ronaldo në këtë resort.
Madje edhe një staf që i dedikohet yllit portugez, gjatë qëndrimit të tij. Por, Ronaldo kur largohet nuk e harron stafin.
Siç raporton “Corriere Dello Sport”, ai ka vendosur që në fund, stafin ta shpërblejë me 20 mijë euro bakshish.
