Autoritetet doganore në Gjermani, gjatë ushtrimit të një kontrolli në një kantier të madh ndërtimi në Wolfsburg, kanë gjetur 12 punëtorë shqiptarë, të cilët ishin punësuar ne rrugë ilegale. Shtetasve shqiptarë u mungonte leja e punës dhe qëndrimit.
Në momentin kur po afroheshin makinat e doganës, tre punëtorë shqiptarë tentuan të iknin, për t’i shpëtuar dëbimit.
Ndërsa tetë prej tyre treguan dokumente identiteti false, të vendeve të Evropës Lindore, që janë anëtare të BE-së.
Mirëpo, doganierët nuk ranë pre e mashtrimit, dhe për ekzaminim më të saktë të dokumenteve dhe për marrje në pyetje, i dërguan punëtorët në qendrën policore.
Pas ekzaminimeve, u konstatua se se disa nga punëtorët kanë qenë duke marrë padrejtësisht ndihma sociale, ose kanë qenë të regjistruar në mënyrë fiktive si persona me veprimtari të pavarur.
Punësimi i refugjatëve/ Industria gjermane kritikon zyrat e të huajve
