Të tjera pamje kanë dalë nga grabitja e ndodhur të martën në orën 15:00 në Rinas. Këto janë ku duket furgoni i grabitjes duke u futur në rrethimin e aeroportit dhe më pas për të bërë grabitjen.
Nga pamjet duket një nga grabitësit që thyen çelësin e derës së zjarrfikëses dhe më pas furgoni futet brenda.
Burime nga policia kanë bërë të ditur për SYRI.net se momenti i grabitjes ka ndodhur në momentin e ndërrimit të turneve të punonjësve të sigurisë në aeroportin e Rinasit.
Ka qenë zjarrfikësja që ka lajmëruar për thyerjen e perimetrit të sigurisë, pasi ka marrë sinjalizimin e hapjes së derës.
Ndërkohë që kamerat e sigurisë të vendosura nga ICTS-ja mësohet se janë totalisht jashtë kontrollit.
Nga ana tjetër policia në Rinas është inekzistente, ndërsa Forcat e Ndërhyrjes së Shpejtë janë njoftuar gojarisht në lidhje me ngjarjen dhe më pas janë vendosur në ndjekje.
