Të tjera detaje janë zbardhur nga ngjarja e ndodhur në Shkodër, ku ka mbetur i plagosur një biznesmen. Burime policore bëjnë të ditur se i plagosur është shtetasi Xhevat Vataksi, 60 vjeç, biznesmen ndërtimi.
Mësohet se Vataksi është dërguar në spitalin rajonal të Shkodrës ku ndodhet jashtë rrezikut për jetën. Ngjarja ka ndodhur në fshatin Daragjat të njësisë administrative Bërdicë, ndërsa ende nuk dihen rrethanat e plota të saj.
Informacioni paraprak
Me datë 05.05.2018 ora 12.30 jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xh. V. 60 vjeç.
Menjëhere jane vënë në levizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit A. L. 43 vjeç, banues në fshatin Berdicë.
Shtetasi Xh. V është dërguar në Spitalin Rajonal Shkodër, i cili ka marr plagë në kembë, momentalisht ndodhet jashtë rreziku për jetën
Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes.
